好多時我地聽到名師出高徒，乜乜庭外，庭內，入室弟子，其實佢地講緊乜呢？簡而清解釋咪係普通弟子囉。咁依班弟子將來可唔可以榮升上去做師傅或者高級啲另起爐灶？冇話唔得嘅，只要佢地吹功了得或上上擂台打嬴幾埸咪得囉！弟子始終係弟子，個掌門人有好多堅嘢都冇放出嚟，佢地靜係聽過一啲高深名稱，又唔知點解，又唔知次序，又唔知點様可以做到，唯有真正承傳人先至知，咁你話未收齊料嘅人係唔係弟子呢？弟子教出啲弟子咪又係弟子囉。
以下係弟子聽聞一則: 內功有一個名稱叫做 “入筍”， 正字係 “入榫”。係網上啲抄書一族，係唔知頭唔知路下畫蛇添足, 將個榫字解釋為榫卯: 榫頭卯眼的簡稱，是一種傳統木工中接合兩個或多個構件的方式。其中構件中的凸出部分稱為榫（榫頭，也稱作筍頭），凹入部分則稱為卯（卯眼，也稱作卯口、榫眼等）。
榫，笋同筍係同一字，解作竹胎也。筍咁脆嫰點可以用嚟打人呀？你估係慈姑掟咩！ 真正個古字榫有個深層意義, 而現代筍字又有一進化解释呢! 非承傳人點會知道呢? 除非佢地已行過嗰條路, 經歷過才知道真義。用乜乜魚皮豬皮去黏啲解釋, 一睇就知佢地咁嘅解釋係弟子級別喇, 無得到真傳； 唔識嘅畀佢地嚇死，識嘅笑到褲都甩！
真傳內中秘密，只口授教一人, 產生出承傳人一詞, 所以承傳訣唔會係流通嘅書籍揾到。 有啲內功師傅係間有好多書嘅房留照，曬曬自己擁有幾多書。擁有係冇用嘅，圖書館都有好多書喇，又唔見係圖書館做啲人做曬文學家，醫生，科學家等; 秘訣點會寫係幾十幾百蚊嘅書度呀！一千二千三千蚊一個鐘私人教授，都買唔到依啲承傳嘢。因此要扮做承傳人，下次收埋曬所有書先至拍照，咁様先至顯得出係個得口授嘅承傳人。弟子扮承傳, 大路貨點收得人貴架。而掌門人有眼無珠教出個為財施教承傳人個可能性十分低。
係路遥知馬力下, 彎路都走咗唔少, 苦頭吃到盡, 重要人夾人缘同機缘, 先致得到有錢都買唔到嘅口述入筍進階開埸白。 得到正解後, 功係要自己練而無得過, 練要得其序同法, 大中細碼啲葉先致走出嚟。 拿住一组動作叫老葉, 嗰啲又叫细葉, 點會係咁架! 係裡頭會喐同流動啲嘢先致係真料, 點會係畀人睇到啲動作嚟架。 枝葉係要適心裁培下, 先致長得茂盛, 越生越多，個頂部變得好似雜亂無章。話雖如此, 枝枝都係寶, 隨手攞起枝亂竹枝，都打到人跳跳紮喇, 唔係嗰啲人為機械式嗰種跳呢! 依啲先致係原生態嘅色香味俱全呢！冇頭冇尾，毛都未生成, 又話學人玩大中細葉，點玩呀？書都有講喇, 亂環法最難明同通。
飲啖茶，食個飽，慢慢去品嚐筍中樂趣，先可以品出味道。餓狗搶屎式咁食嘢，係筍嘢嚟架, 好勁呀，顯露出內裡冇嚟貴格。 小心發育不良卡住係個喉嚨唔上唔落，腎前嘅骨都凹埋, 個醫生會話你知: 黑口黑面, 臉如黄土, 個身有好多人為胆固醇沙粒, 病入膏肓矣, 通波仔都冇用喇! 依個就係得真筍同假筍唔同之處! 將啲狗屎垃圾一鑊熟去炒, 點會炒出乾炒牛河內功呀!
牛肉要爽口梗係要用堿水醃喇!
入筍要用乜呢? 你有冇底子先?
自己慢慢惗囉!
一片牛肉, 一條河粉, 食到到喉唔到肺, 唔係乜叫假承傳呢
没有评论:
发表评论